Tölvumiðlun: Fréttir

Nýjung í H3 Laun - Vinnustaðaskírteini í samræmi við fyrirmynd ASÍ

Thu, 19 Aug 2010 00:00:00 GMT

Nýlega tók gildi samkomulag ASÍ og SA um vinnustaðaskírteini og eftirlit á vinnustöðum. Öllum atvinnurekendum í hlutaðeigandi greinum ber að sjá til þess að starfsmenn fái vinnustaðaskírteini þegar þeir hefja störf.

Á skírteininu þarf að vera mynd af launamanni, nafnið á myndininni þarf að vera kennitala launamanns og er skönnuð inn sem viðhengi á launamanninn. Í H3 Mannauður er hægt að lesa inn myndir á alla í einu að því gefnu að myndirnar séu allar vistaðar á sama stað.

Skírteinin má finna í H3 Laun undir Skýrslur/Almennt/Vinnustaðaskírteini. Skírteinin eru ætluð til útprentunar á pappír og mælt er með að þau séu plöstuð.

Þeir atvinnurekendur sem þegar eru með starfmannaskírteini sem innihalda sömu upplýsingar og vinnustaðaskírteinin þurfa ekki á vinnustaðaskírteininu að halda.

Samskip velur H3 mannauðslausnir

Wed, 21 Apr 2010 00:00:00 GMT

Samskip hefur um árabil notað H3 laun og H3 greiningar við launavinnslu félagsins.

Nýverið hóf Samskip notkun á H3 áætlunum og ákvað að bæta fleiri einingum við.

Uppsetning er yfirstandandi á H3 mannauð, H3 fræðslu, H3 ráðningum, H3 starfsmannavef og H3 stjórnun sem er nýjasta afurðin í H3 heildarlausninni.

Markmið Samskipa er að annast utanumhald um starfsfólk hérlendis alfarið í H3 auk þess að nýta kerfið til viðhalds á starfsmannaupplýsingum fyrir erlenda starfsemi félagsins.

Samskip eru alþjóðlegt félag sem býður flutninga og tengda þjónustu á sjó, landi og í lofti. Frá stofnun félagsins árið 1990 hefur starfsemin vaxið jafnt og þétt, bæði með kaupum á öðrum félögum og vegna innri vaxtar.

Samskip eru orðin eitt stærsta gámaflutningafyrirtæki Evrópu og býður félagið upp á heildarþjónustu á Íslandi og í Færeyjum, fjölþátta flutningsþjónustu um alla Evrópu og frysti- og framhaldsflutninga um allan heim. Félagið starfrækir skrifstofur í yfir 20 löndum í þremur heimsálfum og eru starfsmenn um 1.400 talsins.

Tölvumiðlun í 25 ár

Fri, 19 Feb 2010 00:00:00 GMT

Tölvumiðlun fagnar nú 25 ára afmæli, en fyrirtækið var stofnað árið 1985 og er eitt elsta hugbúnaðarfyrirtæki landsins.

Tilgangur fyrirtækisins er þróun, sala og þjónusta á hugbúnaðarlausnum fyrir íslenskt atvinnulíf.

Hjá Tölvumiðlun starfa 25 starfsmenn sem allir leggja mikla áherslu á að bjóða góðar hugbúnaðarlausnir og góða þjónustu.

Niðurstöður nýgerðrar þjónustukönnunar eru okkur mikilvægar, en þær sýna svo ekki verður um villst að viðskiptavinir okkar meta þjónustu okkar mikils og eru ánægðir með hugbúnaðarlausnir félagsins.

Starfsfólk Tölvumiðlunar hefur veitt íslensku atvinnulífi þjónustu í 25 ár og við hlökkum til næstu 25 ára og þeirra spennandi verkefna sem bíða okkar á næstu misserum. Við erum óþreytandi í viðleitni okkar að veita enn betri þjónustu en við gerum í dag og þróa betri lausnir, með hagsmuni viðskiptavina okkar að leiðarljósi.

Lyfja velur H3 heildarlausn

Mon, 25 Jan 2010 00:00:00 GMT

Lyfja hefur valið H3 laun og H3 greiningar sem framtíðarkerfi í mannauðsmálum fyrir starfsemi fyrirtækisins umfram aðrar lausnir sem skoðaðar voru.

H3 laun, sem er eitt öflugasta launakerfi á Íslandi, varð fyrir valinu vegna þægilegs viðmóts og sjálfvirkra skilagreina til ríkisskattstjóra og lífeyrissjóða.

Til að fylgjast náið með öllum launakostnaði og auðvelda samanburð við áætlanir mun Lyfja innleiða H3 greiningar sem er mjög öflugt eftirlits- og greiningartól.

Lyfja hf var stofnuð 1995 og hóf rekstur lyfjabúðar, að Lágmúla 5, árið 1996. Í dag rekur Lyfja hf 42 verslanir og afgreiðslustaði undir merkjum Lyfju, Apóteksins, Heilsuhússins og Lyfjalausna auk heildsölufyrirtækisins Heilsu ehf. Hjá Lyfju hf starfa rúmlega 300 manns.

Glæsilegar niðurstöður þjónustukönnunar

Wed, 06 Jan 2010 00:00:00 GMT

Í desember fór fram árleg þjónustukönnun Tölvumiðlunar. Þátttaka var umfram væntingar, hundruðir viðskiptavina tóku þátt og var svarhlutfallið hærra en árið á undan.

Það er skemmst frá því að segja, að útkoman var stórglæsileg fyrir Tölvumiðlun. Líkt og í könnunum fyrri ára, virðast viðskiptavinir almennt vera mjög ánægðir með kerfin og þjónustu félagsins.

Viðbrögð viðskiptavina við könnuninni eru starfsfólki hvatning til að gera enn betur og styður sífellda viðleitni okkar til að bæta þjónustuna.

Velflestir svarendur settu nöfn sín í pott sem dregið var úr í lok könnunarinnar. Fyrir jól voru glæsilegir vinningar afhentir þeim fimmtán svarendum sem dregnir voru út af handahófi. Við óskum þeim öllum til hamingju!

Dæmi um niðurstöður sem við erum stolt af:

92% svarenda treysta Tölvumiðlun sem framleiðanda og þjónustuaðila hugbúnaðar.

89% svarenda eru ánægð með þjónustu Tölvumiðlunar á heildina litið.

91% svarenda segja að brugðist sé fjótt við beiðni um þjónustu.

93% svarenda telja starfsmenn Tölvumiðlunar vera heiðarlega og sanngjarna í samskiptum.

93% svarenda finnst þekking og færni starfsmanna Tölvumiðlunar vera góð.

Á meðfylgjandi mynd er Þórdís Dagbjört Gunnarsdóttir vinningshafi hjá Hátækni

Uppfærslur vegna lagabreytinga um virðisauka- og tekjuskatt

Wed, 30 Dec 2009 00:00:00 GMT

Þann 1 janúar 2010 taka gildi lagabreytingar vegna virðisauka- og tekjuskatts.
Eftirfarandi uppfærslur eru komnar í dreifingu:

SFS - vegna breytinga á virðisaukaskatti.

H3 laun – vegna breytinga á tekjuskatti.

H Laun 2 – vegna breytinga á tekjuskatti.

Allir viðskiptavinir Tölvumiðlunar ættu að hafa fengið tölvupóst með nánari leiðbeiningum varðandi uppfærslurnar, en ef sá póstur hefur ekki borist, vinsamlegast hafið þá samband við þjónustudeild okkar sem er til þjónustu reiðubúin.

Tölvumiðlun óskar öllum landsmönnum gleðilegs nýs árs og friðar.

Elkem Ísland velur H3 umfram aðrar lausnir

Tue, 15 Dec 2009 00:00:00 GMT

Elkem Ísland ehf., valdi H3 heildarlausn í mannauðsmálum umfram þær innlendu og erlendu lausnir er standa fyrirtækjum til boða.
Eftir að hafa kynnt sér kerfið og heyrt hvað notendur H3 höfðu að segja um þjónustu Tölvumiðlunar og lausnina sjálfa, var enginn vafi á því að H3 myndi henta þeim best. Innleiðingin er þegar hafin og mun starfsfólk fá greidd laun úr H3 laun í janúar.

Viðbótarlausnir eins og H3 mannauður, H3 ráðningar og H3 starfsmannavefur verða síðan innleiddar og munu opna nýjan heim í starfsmannamálum fyrir Elkem Ísland. Það má því segja að þau hjá Elkem Ísland verði stálslegin á nýju ári.

Elkem Ísland ehf., áður Íslenska járnblendifélagið, er hluti af Elkem AS. Fyrirtækið selur kísiljárn til stálvera, stáliðnaðar og í járnsteypur. Elkem á Íslandi hefur á undanförnum árum aukið vöruframboð sitt á járnblendi og býður nú sérhæfðari vöru til viðskiptavina.

Starfsfólki Elkem er annt um umhverfið og að takmarka neikvæð áhrif allrar framleiðslu. Því er leitast við að innleiða vinnuferla sem lágmarka áhrif á umhverfið. Mikil áhersla er lögð á að Elkem sé þekkt fyrir gott starfsfólk sem býr yfir mikilli þekkingu og reynslu á starfsemi fyrirtækisins og þykir eftirsóknarvert að starfa hjá því.

Á meðfylgjandi mynd eru þau Sigrún Pálsdóttir Mannauðsstjóri Elkem Ísland og Heiðar Kristinsson Sölu- og markðaðsstjóri Tölvumiðlunar.

Íslensk Getspá datt í lukkupottinn.

Thu, 03 Dec 2009 00:00:00 GMT

Segja má að Íslensk Getspá hafi dottið í lukkupottinn þegar þau ákváðu að velja H3 heildarlausnina frá Tölvumiðlun. Eftir að hafa kynnt sér aðrar lausnir sem standa til boða var ákveðið að velja H3 þar sem sú lausn getur orðið við öllum þeim kröfum sem Íslensk Getspá fer fram á varðandi launavinnslu. Íslensk Getspá sér um rekstur Íslenskra getrauna sem flestir þekkja sem Lottó, Lengjuna, 1x2 og Víkingalottó. Hluti af andvirði allrar sölu félaganna renna beint til uppbyggingar og starfsemi æskulýðs-og íþróttamála og til málefna öryrkja. Því má segja að allir þeir sem spila í leikjum Getspár og Getrauna geti fagnað sigri og átt von á góðum vinningi í leiðinni. Með þáttöku í leikjunum er verið að styrkja nauðsynleg samfélagsleg málefni og leggja traustan grunn að áframhaldandi uppbyggingu þeirra, auk þess að gefa sjálfum sér tækifæri til þess að vinna stórar fjárupphæðir. Öll launavinnsla verður framvegis gerð í H3 og einnig verða H3 greiningar innleiddar til að einfalda alla áætlunargerð og eftirlit með launum og launaþróun.

Stundaskrá námskeiða út febrúar 2010

Wed, 19 Aug 2009 00:00:00 GMT

Á vefinn er komin stundaskrá námskeiða Tölvumiðlunar út febrúar 2010. Þar er hægt að skrá sig á ýmiss námskeið sem í boði eru.

Hér er hægt að sjá nýju stundaskrána og skrá sig

Mosfellsbær tekur upp H3

Fri, 14 Nov 2008 00:00:00 GMT

Nýverið voru undirritaðir samningar við Mosfellsbæ á umfangsmikilli innleiðingu á H3 laun, H3 greiningum og H3 vefþjónustum fyrir sveitarfélagið. H3 verður sett upp í hýsingarumhverfi Tölvumiðlunar. Mosfellsbær hefur notað H-Laun við launavinnslu í rúman áratug og hefur kerfið fylgt eftir miklum breytingum í starfsumhverfi sveitarfélagsins á liðnum árum.

Launadeild Mosfellsbæjar annast útborgun launa og framkvæmd kjarasamninga fyrir um 550 launþega. Launadeildin annast einnig vörslu gagna er varða starfsmannahald og útgáfu vinnuveitanda- og starfsvottorða.

Mosfellsbær er ört vaxandi sveitarfélag og hefur þjónustuþáttum fjölgað stöðugt undanfarin ár. Íbúafjöldi Mosfellsbæjar var um 8.200 í ársbyrjun 2008.

Tölvumiðlun gerist Microsoft Certified Partner

Thu, 24 Jan 2008 00:00:00 GMT

Tölvumiðlun hefur gerst Microsoft Certified Partner í kjölfar aukinnar áherslu á rekstrar- og tækniþjónustu auk hýsingar fyrir viðskiptavini sína. Aukið samstarf við Microsoft er mikilvægt skref í þá átt að bjóða viðskiptavinum félagsins enn frekari þjónustu við Microsoft lausnir auk eflingar á aðgengi starfsmanna að þekkingu og hugbúnaði Microsoft.

Aukin þjónusta með fjarhjálp

Wed, 23 Jan 2008 00:00:00 GMT

Tölvumiðlun hefur fjárfest í búnaði sem gerir fjarhjálp að ákjósanlegri valkosti fyrir viðskiptavini. Fjarhjálpin byggir á því að viðskiptavinir geta nú beðið þjónustumenn um aðstoð um fjarhjálp og þjónustumaðurinn yfirtekur vél notandans með einfaldari hætti en áður hefur verið unnt. Ekki er þörf á flóknum uppsetningum eða opnun eldveggja, heldur þarf viðskiptavinurinn aðeins að hafa aðgang að interneti. Það er von okkar að þessi búnaður auki gæði þjónustunnar og einfaldi þjónustu við smærri viðskiptavini. Oft getur reynst erfitt að leysa málin með símtali því greining verkefna getur verið mjög tímafrek.

Nýr þróunarstjóri hjá Tölvumiðlun

Wed, 16 Jan 2008 00:00:00 GMT

Í dag tók Viðar Þórðarson við starfi þróunarstjóra í HLaun3, SFS og H-Laun 2.x. Viðar er kerfisfræðingur að mennt og hefur starfað hjá félaginu allt frá maí 2001. Viðar hefur unnið í HLaun3 verkefnum frá upphafi, unnið í hópi starfsmanna sem þróað hafa þróunarumhverfi Tölvumiðlunar auk þátttöku í verkefnahóp sem stýrt hefur þróun mannauðslausna félagsins.

RÚV ohf. með HLaun3

Thu, 03 Jan 2008 00:00:00 GMT

Fyrsta útborgun hjá RÚV ohf. í Hlaun3 launakerfinu fór fram í gær og gekk að óskum. RÚV reið á vaðið og er fyrst opinberra hlutafélaga sem taka í gagnið HLaun3 kerfi Tölvumiðlunar við launaútreikning, en launavinnslan fer fram hjá Fjárvakri Fjármálaþjónustu. Ríkisútvarpið ohf. þekkja allir landsmenn, en fyrirtækið rekur sjónvarp og útvarpsstöðvar auk reksturs textavarpsins ofl. Hjá RÚV ohf. starfa fjögurhundruð og fimmtíu starfsmenn um land allt.

Myndkennslubúnaður tekinn í notkun

Thu, 20 Dec 2007 00:00:00 GMT

Ráðgjafar- og þjónustusvið Tölvumiðlunar heftur tekið í notkun öflugan myndkennslubúnað og voru tvö fyrstu myndböndin gefin út í dag. Þetta eru enn ein tímamótin í þjónustu fyrirtækisins, en rík áhersla er lögð á að notendur kerfa fyrirtækisins fái ávallt bestu mögulegu þjónustu. Búnaðurinn verður notaður til kennslu, hjálparmála og til að kynna nýjungar í kerfum félagsins.

Þjónustukönnun Tölvumiðlunar

Thu, 06 Dec 2007 00:00:00 GMT

Í síðasta mánuði var framkvæmd þjónustukönnun meðal viðskiptavina Tölvumiðlunar og var þátttakan umfram væntingar. Mikil svörun er ánægjuefni því viðskiptavinir eru með þátttöku sinni að styðja við sífellda viðleitni starfsmanna til að bæta þjónustuna.
Velflestir svarendur settu nöfn sín í pott sem dregið var úr í lok könnunarinnar. Glæsilegar sælkerakörfur hafa verið sendar þeim fimmtán svarendum sem dregnir voru út af handahófi.
Tölvumiðlun þakkar svarendum fyrir þátttökuna.

Áramótanámskeið á vefnum

Wed, 05 Dec 2007 00:00:00 GMT

Tölvumiðlun tekur upp þá nýbreytni í ár að bjóða áramótanámskeið eingöngu á vefnum.

Bráðlega verður hægt að nálgast kennslumyndskeið á heimasíðu okkar þar sem farið verður ítarlega í þá þætti sem hafa þarf í huga um hver áramót.

Kennslumyndskeiðið ætti að verða til mikils hægðarauka fyrir önnum kafna launa- og bókhaldsfulltrúa í desember.

Rafteikning tekur upp fræðslukerfi og starfsmannavef HLaun3

Thu, 01 Nov 2007 00:00:00 GMT

Rafteikning hefur nú innleitt fræðslu og starfsmannavef HLaun3 en voru fyrir notendur að HLaun3 laun, ráðningum og mannauð. Rafteikning er verkfræðistofa með mikla sérhæfingu í rafmagnsverkfræði auk langrar og víðtækrar reynslu af hönnun og eftirliti orkuvera.

Icepharma með HLaun3

Tue, 30 Oct 2007 00:00:00 GMT

Icepharma er nú meðal notenda HLaun3 launa- og greiningakerfis frá Tölvumiðlun, en sögu Icepharma á íslenskum lyfjamarkaði má rekja allt frá frá árinu 1919 er Stefán Thorarensen opnaði fyrst lyfsölu í Reykjavík.

Ikea notar HLaun3

Thu, 25 Oct 2007 00:00:00 GMT

Innleiðing er yfirstandandi á HLaun3 heildarlausninni hjá IKEA, en fyrirtækið mun nýta kerfið til launavinnslu og utanumhalds um mannauð IKEA á íslandi. IKEA hefur verið starfrækt hérlendis frá árinu 1981 við fádæma vinsældir. Alls starfa á fjórða hundrað starfsmenn á þessum fjölsótta vinnustað þar sem hver og einn finnur eitthvað við sitt hæfi.

Haustsól í Osló

Wed, 12 Sep 2007 00:00:00 GMT

Starfsmenn Tölvumiðlunar fjölmenntu til Oslóborgar með mökum sínum helgina 7. - 9. september á árshátíð starfsmannafélagsins. Í ferðinni var haldinn kynningarfundur á Thon Hotel Opera, með glæsilegu útsýni yfir Oslófjörð, þar sem farið var lauslega yfir framtíðarsýn félagsins.
Á kynningarfundinum voru allir starfsmenn Tölvumiðlunar nema 3.

Tölvumiðlun hefur skipt um lén

Fri, 31 Aug 2007 00:00:00 GMT

Tölvumiðlun hefur nú afhent Tryggingamiðstöðinni sitt eldra lén tm.is og tekið upp nýtt lén: www.tolvumidlun.is

Póstföngum starfsmanna hefur þegar verið breytt til samræmis.

Grunnnámskeið í H-Launum

Fri, 31 Aug 2007 00:00:00 GMT

Haustið er góður tími til að fara á námskeið. Oft er ýmis virkni í kerfum Tölvumiðlunar sem starfsmenn eru ekki að nýta. Námskeiðin auka þekkingu og færni. Hér er hægt að sjá stundaskrána og skrá sig Við erum með næstu grunnnámskeið í HLaun3 5. - 6. september og í H-Laun 13. - 14. september, auk fjölda annarra námskeiða.

Norvik tekur upp HLaun3

Tue, 24 Jul 2007 00:00:00 GMT

Undirritaður hefur verið samningur um innleiðingu á HLaun3 hjá Norvik hf.
Samningurinn tekur til innleiðingar á HLaun3 heildarlausninni vegna víðtækrar starfsemi samstæðunnar um land allt.
Í Norvikur samstæðunni eru meðal annars Byko, Nóatún, 11-11 verslanir, Intersport, Húsgagnahöllin, Elko, Krónan o.fl. Alls starfa um 2.000 starfsmenn hjá fyrirtækjunum hérlendis, en auk þess rekur Norvik umfangsmikla starfsemi erlendis.

Haustdagskrá námskeiða

Wed, 18 Jul 2007 00:00:00 GMT

Haustdagskrá námskeiða er komin upp á vefnum. Fjölmörg námskeið eru í boði og fjölgar sífellt námsframboði í HLaun3 heildarlausninni, en nú eru kynnt grunnnámskeið í HLaun3, Mannauð, Ráðningum og Greiningum en auk þess er námskeið í Fræðslukerfinu í undirbúningi. Notendur eru hvattir til að kynna sér þau námskeið sem boðin eru og tryggja sér sæti. Hægt er að sjá stundaskrána og skrá sig beint á vefnum.

Samningur um hýsingu við Eirvík

Thu, 05 Jul 2007 00:00:00 GMT

Fyrir skömmu var skrifað undir samning um hýsingu á öllu tölvukerfi Eirvíkur við Tölvumiðlun. Í verkið er Tölvumiðlun að nota fullkomnustu lausnir sem völ er á.

Eirvík heimilistæki ehf var stofnað 1994. Félagið hóf verslunarrekstur á Vesturgötu 25 en flutti starfsemi sína fljótlega að Suðurlandsbraut 22 og síðar að Suðurlandsbraut 20 þar sem starfsemi félagsins hefur vaxið og dafnað síðan. Markmið félagsins er innflutningur, verslun og þjónusta með heimilistæki, hótel- og veitingatæki, innréttingar og gjafavöru. Kjörorð félagsins er 'Sérverslun með heimilistæki og innréttingar' í hæsta gæðaflokki.

Meðal þekktra merkja sem Eirvík er með umboð fyrir má nefna: Miele, Liebherr, Smeg, Fisher , Pykel, Witt, Magimix, Cristel, Roblin, Eumenia, Ballerini, Schock, Dacor og LaPavoni.
Þá er félagið með samning við Heklu hf. um sölu og þjónustu fyrir General Electic (GE) og Kenwood heimilistæki sem Hekla er með umboð fyrir.

Aukin áhersla á Rekstrar- og tækniþjónustu

Wed, 04 Jul 2007 00:00:00 GMT

Um síðustu mánaðamót kom Guðmundur A. Kristjánsson til starfa sem deildarstjóri Rekstrar- og tækniþjónustu félagsins, en Guðmundur er tölvunarfræðingur að mennt.

Guðmundur A. Kristjánsson deildarstjóri.

Verkefni þau sem deildin sinnir er þjónusta við röntgenkerfi sjúkrahúsa, rekstrar- og tækniþjónusta, hýsingar auk afritunar.

Talsverð aukning hefur verið á verkefnum deildarinnar og starfsfólki fjölgað ört.; Tölvumiðlun býður viðskiptavinum sínum tæknilega ráðgjöf og heildarlausnir á sviði rekstrar- og tækniþjónustu en nýlega fjárfesti félagið í fullkomnum afritunarbúnaði til að annast netafritun, sem viðbót við þjónustu þá sem fyrir var.

Tölvumiðlun skiptir um lén

Thu, 07 Jun 2007 00:00:00 GMT

Tölvumiðlun tekur bráðlega upp nýtt lén: www.tolvumidlun.is og hefur póstföngum starfsmanna þegar verið breytt til samræmis.

Markaðslega séð hentar nýtt lén Tölvumiðlun mun betur, því það hefur beinni skírskotun til félagsins en eldra lén www.tm.is, enda hafði það um árabil ollið misskilningi meðal almennings vegna einkennisstafa Tryggingamiðstöðvarinnar.

Samningur hefur verið undirritaður um yfirfærslu lénsins www.tm.is til Tryggingamiðstöðvarinnar, en hann undirrituðu Daði Friðriksson, framkvæmdastjóri Tölvumiðlunar og Óskar B. Hauksson, framkvæmdastjóri rekstrarsviðs Tryggingamiðstöðvarinnar.

Veitukerfi í uppsetningu

Wed, 23 May 2007 00:00:00 GMT

Nýverið var undirritaður samningur um innleiðingu á nýju Veitukerfi hjá Grímsnes- og Grafningshreppi.

Nýtt Veitukerfi gerir sveitarfélaginu kleyft, með hagkvæmum hætti að halda utan um reikningagerð, innheimtur, skráningu á álestrum, áætlanagerð og uppgjör.

Veitukerfi Tölvumiðlunar hentar hverskyns veitum s.s. vatnsveitum, hitaveitum eða rafmagnsveitum og er fyllilega samhæft við aðrar kerfiseiningar í fjárhagskerfinu SFS.

Grímsnes- og Grafningshreppur hefur um árabil notað SFS auk annarra kerfa frá Tölvumiðlun.

BYR sparisjóður með HLaun3

Fri, 30 Mar 2007 00:00:00 GMT

Í dag fór fram fyrsta útborgun í HLaun3 hjá BYR sparisjóði sem varð til við samruna Sparisjóðs Hafnarfjarðar og Sparisjóðs vélstjóra. Við óskum þeim velfarnaðar með nýja launakerfið.

BYR sparisjóður valdi HLaun3 heildarlausnina til að annast launavinnslu sparisjóðsins auk utanumhalds um mannauð sparisjóðsins að öllu leyti.

HLaun3 fræðsla í dreifingu

Fri, 23 Mar 2007 00:00:00 GMT

Nýverið var lokið innleiðingu kerfiseiningarinnar HLaun3 fræðsla hjá tveimur fyrirtækjum: Intrum og Vodafone. Fyrirtækin hafa notað aðrar kerfiseiningar HLaun3 heildarlausnarinnar við starfsemi sína um allnokkurn tíma.

HLaun3 fræðsla gerir fyrirtækjum mögulegt að annast utanumhald um alla fræðslustarfsemi sína og stuðla þannig enn frekar að starfsþróun starfsfólks. Mögulegt er að vinna markvisst að eflingu þekkingar og færni starfsfólks á hverjum tíma, í síbreytilegu rekstrarumhverfi.